Thursday, December 21, 2006
జిలి బిలి పలుకుల చిలిపిగ పలికిన ఓ మైనా మైనా
జిలి బిలి పలుకుల చిలిపిగ పలికిన ఓ మైనా మైనా
కిల కిల నగవుల వలపులు చిలికిన ఓ మైనా మైనా
మిలిమిల మెరిసిన తార
మిన్నుల విడిన సితార
మిలిమిల మెరిసిన తార
మిన్నుల విడిన సితార
మధువుల పెదవుల మమతలు విరిసిన
ఓ మైనా ఓ మైనా
కలలను పెంచకు కలతలు దాచకు
ఏమైనా ఓ మైనా
అడగనులే చిరునామా ఓ మైనా ఓ మైనా
చిరునవ్వే పుట్టిల్లు నీకైనా నాకైనా
తారలకే సిగపువ్వ తారాడే సిరిమువ్వ
తారలకే సిగపువ్వ తారాడే సిరిమువ్వ
హరివిల్లు రంగుల్లో వర్ణాలే
చిలికిన చిలకవు ఉలకవు పలకవు ఓ మైనా ఏమైనా
ఉరుములలో అలికిడిలా వినిపించే ఈ మైనా
మెరుపులలో నిలకడగ కనిపించే ఈ మైనా
ఎండలకే అల్లాడే వెన్నలలో క్రీనీడ
ఎండలకే అల్లాడే వెన్నలలో క్రీనీడ
వినువీధి వీణల్లో రాగంలా
ఆశల ముంగిట ఊహల ముగ్గులు నిలిపేన ఏమైనా
జిలి బిలి పలుకుల చిలిపిగ పలికిన ఓ మైనా మైనా
తొలకరి వయసుల మిణుగురు సొగసుల దేమైన మైనా
మిలి మిల మెరిసిన తార మిన్నుల విడిన సితార
గుడికె చేరని దీపం పడమటి సంధ్యా రాగం
మధువుల పెదవుల మమతలు విరిసిన ఓ మైనా ఓ మైనా
చుక్కలు అందక దిక్కున దాగిన నేనేలే ఆ మైనా
***
చిత్రం - సితార
సంగీతం - ఇళయరాజా
సాహిత్యం - వేటూరి
గానం - S P బాలు, S జానకి
Labels:
Aanimutyalu,
bhanupriya,
ilayaraja,
jaanaki,
sitara,
SP balu,
veturi
Subscribe to:
Posts (Atom)