ప్రతి ఇద్దరితో మీ గాధే మొదలంటుంది ఈ ప్రేమా!

ఎవ్వరినెప్పుడు తన వలలో బంధిస్తుందో ఈ ప్రేమా
ఏ మదినెప్పుడు మబ్బులలో ఎగరేస్తుందో ఈ ప్రేమా
అర్ధంకాని పుస్తకమే అయినా గాని ఈ ప్రేమా
జీవిత పరమార్థం తానే అనిపిస్తుంది ఈ ప్రేమా
ప్రేమా ప్రేమా ఇంతేగా ప్రేమా
ప్రేమా ప్రేమా ఇంతేగా ప్రేమా

ఇంతకు ముందర ఎందరితో ఆటాడిందో ఈ ప్రేమా
ప్రతి ఇద్దరితో మీ గాధే మొదలంటుంది ఈ ప్రేమా
కలవని జంటల మంటలలో కనపడుతుంది ఈ ప్రేమా
కలిసిన వెంటనె ఏమవునో చెప్పదు పాపం ఈ ప్రేమా
ప్రేమా ప్రేమా ఇంతేగా ప్రేమా
ప్రేమా ప్రేమా ఇంతేగా ప్రేమా

***

చిత్రం: మనసంతా నువ్వే
సాహిత్యం: సిరివెన్నెల సీతారామ శాస్త్రి
గానం: కె కె
సంగీతం:  R P పట్నాయక్