Saturday, June 04, 2016

ఏ నాడు విడిపోని ముడి వేసేనే





జూన్ 4th
S P బాలసుబ్రమణ్యం గారి పుట్టినరోజు సందర్భంగా ..

ఏ నాడు విడిపోని ముడి వేసేనే నీ చెలిమి తోడు ఈ పసుపు తాడు
నీ చెలిమి తోడు ఈ పసుపు తాడు
ఈ మధుర యామినిని
ఏ జన్మ స్వప్నాల అనురాగమో
ఏ జన్మ స్వప్నాల అనురాగమో పూసినది నేడు ఈ పసుపు తాడు
పూసినది నేడు ఈ పసుపు తాడు 
ఈ సుధల ఆమనిని
ఏ నాడు విడిపోని ముడి వేసేనే ఏ నాడు విడిపోని ముడి వేసేనే

మొహాన పారాడు వేలి కొనలు
నీ మేను  కాదా చైత్ర వీణ
వేవేల స్వప్నాల వేడుకలలో
నీ చూపు కాదా పూల వాన
రాగసుధ పారే అలల శ్రుతిలో
స్వాగతము పాడే ప్రణయమూ
కలకాలమూ కలగానమై నిలవాలి మన కోసము
ఈ మమత
ఏ నాడు విడిపోని ముడి వేసేనే
ఏ నాడు విడిపోని ముడి వేసేనే

నీ మోవి మౌనాన మదనరాగం
మొహాన సాగే మదుప గానం
నీ మోవి పూసింది చైత్ర మోదం
చిగురాకు వీసె వేణు నాదం
పాపలుగా వెలిసే పసిడి కలకు
ఊయలను వేసే క్షణమిదే
రేపన్నదీ ఈ పూటనే చేరింది మన జంటకు
ముచ్చటగా

***

చిత్రం: శ్రీ కనక మహాలక్ష్మి రికార్డింగ్ డాన్సు ట్రూప్
సంగీతం: ఇళయరాజా
గానం: S P బాలసుబ్రమణ్యం , జానకి



Tuesday, May 17, 2016

యెక్కిరించు రేయిని సూసి యెర్రబడ్డ ఆకాశం... యెగ్గు పెట్టి ఇసిరిందా సూరీడి సూపుల బాణం





తెల్లారింది లెగండో కొక్కొరొక్కో
మంచాలింక దిగండో కొక్కొరొక్కో

పాములాంటి సీకటి పడగ దించిపోయింది
భయంనేదు భయంనేదు నిదుర ముసుగు తీయండి
సావులాటి రాతిరి సూరు దాటిపోయింది భయంనేదు భయంనేదు సాపలు సుట్టేయండి
ముడుసుకున్న రెక్కలిడిసి పిట్ట చెట్టు ఇడిసింది
ముడుసుకున్న రెక్కలిడిసి పిట్ట చెట్టు ఇడిసింది
మూసుకున్న రెప్పలిరిసి సూపులెగరనీయండీ 

తెల్లారింది లెగండో కొక్కొరొక్కో
మంచాలింక దిగండో కొక్కొరొక్కో

సురుకు తగ్గిపోయింది చందురుడి కంటికి
సులకనై పోయింది లోకం సీకటికి
కునుకు వచ్హి తూగింది సల్లబడ్డ దీపం
యెనక రెచ్హిపోయింది అల్లుకున్న పాపం
మసక బారిపోయిందా సూసే కన్ను
ముసురుకోదా మైకం మన్ను మిన్ను
కాలం కట్టిన గంతలు తీసి కాంతుల యెల్లువ గంతులు యెసి

తెల్లారింది లెగండో కొక్కొరొక్కో
మంచాలింక దిగండో కొక్కొరొక్కో

యెక్కిరించు రేయిని సూసి యెర్రబడ్డ ఆకాశం
యెగ్గు పెట్టి ఇసిరిందా సూరీడి సూపుల బాణం
కాలి బూడిదైపోదా కమ్ముకున్న నీడ
ఊపిరితో నిలబడుతుందా సిక్కని పాపాల పీడ
సెమట బొట్టు సమురుగా సూరీడ్ని యెలిగిద్దాం
యెలుగు సెట్టు కొమ్మల్లో అగ్గిపూలు పూయిద్దాం
వేకువ సక్తుల కత్తులు దూసి రేతిరి మత్తును ముక్కలు సేసి

తెల్లారింది లెగండో కొక్కొరొక్కో
మంచాలింక దిగండో కొక్కొరొక్కో

***

చిత్రం: కళ్ళు 
సంగీతం:  S P బాల సుబ్రహ్మణ్యం 
రచన: సిరివెన్నెల సీతారామ శాస్త్రి 
గానం: సిరివెన్నెల సీతారామ శాస్త్రి 

Tuesday, April 19, 2016

పల్లవించవా నా గొంతులో.. పల్లవికావా నా పాటలో..





పల్లవించవా నా గొంతులో
పల్లవికావా నా పాటలో

పల్లవించవా నా గొంతులో
పల్లవికావా నా పాటలో
ప్రణయ సుధారాధా.. నా బ్రతుకు నీది కాదా
పల్లవించవా నా గొంతులో
పల్లవికావా నా పాటలో

నేనున్నది నీలోనే.. ఆ నేను నీవేలే
నాదన్నది ఏమున్నది నాలో
నీవేనాడొ మలిచావు ఈ రాతిని
నేనీనాడు పలకాలి నీ గీతిని

నేనున్నది నీలోనే.. ఆ నేను నీవేలే
నాదన్నది ఏమున్నది నాలో
నీవేనాడొ మలిచావు ఈ రాతిని
నేనీనాడు పలకాలి నీ గీతిని
ఇదే నాకు తపమని ఇదే నాకు వరమని
ఇదే నాకు తపమని ఇదే నాకు వరమని
చెప్పాలని ఉంది గుండె విప్పాలని ఉంది
చెప్పాలని ఉంది గుండె విప్పాలని ఉంది

పల్లవించవా నా గొంతులో
పల్లవికావా నా పాటలో

నీ ప్రేమకు కలశాన్ని.. నీ పూజకి నిలయాన్ని
నీ వీణకి నాదాన్ని కానా
నేనిన్నాళ్ళు చేసింది ఆరాధన
నీకు ఈనాడు తెలిపేది నా వేదన

నీ ప్రేమకు కలశాన్ని.. నీ పూజకి నిలయాన్ని
నీ వీణకి నాదాన్ని కానా
నేనిన్నాళ్ళు చేసింది ఆరాధన
నీకు ఈనాడు తెలిపేది నా వేదన
ఇదే నిన్ను వినమని ఇదే నిజం అనమని
ఇదే నిన్ను వినమని ఇదే నిజం అనమని
చెప్పాలని ఉంది గుండె విప్పాలని ఉంది
చెప్పాలని ఉంది గుండె విప్పాలని ఉంది

పల్లవించవా నా గొంతులో
పల్లవికావా నా పాటలో
ప్రణయ సుధారాధా.. నా బ్రతుకు నీది కాదా
పల్లవించవా నా గొంతులో
పల్లవికావా నా పాటలో

***

చిత్రం: కోకిలమ్మ (1983)
సంగీతం: M S విశ్వనాథన్
సాహిత్యం: ఆత్రేయ
గానం: S P బాల సుబ్రహ్మణ్యం