Download Song
ఊగిసలాడకె మనసా
నువ్వు ఉబలాటపడకే మనసా
ఊగిసలాడకె మనసా
నువ్వు ఉబలాటపడకే మనసా
ఊసుపోలేదనో ఆశగా ఉందనో
ఉర్రూతలూగకే మనసా
తలలోన ముడిచాక విలువైన పూవైన
దైవపూజకు తగదు మనసా (2) ||తలలోన||
పొరపాటు చేసావో దిగాజారిపోతావు
నగుబాటు తప్పదు మనసా
పెడదారి మురిపాలు మొదటికే మోసాలు
చాలు నీ వేషాలు మనసా (2)
||ఊగిసలాడకె||
తుమ్మెదలు చెలరేగి తోటలో ముసిరేను
దిమ్మరిని నమ్మకే మనసా
దేశదిమ్మరిని నమ్మకే మనసా ||తుమ్మెదలు||
చపల చిత్తము విపరీతమవుతుంది
చలియించకే వెర్రి మనసా
కపటాలు సరదాలు కవ్వింపు సరసాలు
కాలు జారేనేమో మనసా (2)
||ఊగిసలాడకె||
***
చిత్రం: కొత్త నీరు
సంగీతం: రమేష్ నాయుడు
సాహిత్యం: ఆరుద్ర
గానం: P సుశీల
1 comment:
ఈ పాట వినగానే నాకు చాలా నచ్చింది.
థాంక్స్.
- కిరణ్
ఐతే OK
Post a Comment